Ministri i jashtëm i Serbisë, Ivica Daçiq, ka vlerësuar se prania e forcave të NATO-s është e rëndësisë madhore për stabilitetin dhe sigurinë në Kosovë.
Këto komente ai i ka bërë në bisedën e mbrëmshme me zëvendës-sekretarin e përgjithshëm të NATO-s, Alexander Werbshow, në margjina të Asamblesë së Përgjithshme të Kombeve të Bashkuara në Nju Jork, ka njoftuar Ministria e jashtme e Serbisë.
Mëtutje, zoti Daçiq është shprehur pozitivisht për komunikimin e përgjithshëm të mirë të Serbisë me NATO-n dhe për bashkëpunimin në kuadër të Partneritetit për paqe.
