Sulme të reja ajrore, të udhëhequra nga Shtetet e Bashkuara, kanë goditur sot caqet e militantëve të Shtetit Islamik (IS) në Siri.
Observatori Sirian për të Drejtat e Njeriut, grup monitorues me seli në Britani, ka thënë se së paku 31 sulme janë dëgjuar në provincën Raka, ku Shteti Islamik ka selitë e tij.
Burimi i njëjtë ka thënë se ka raporte edhe për viktima.
Sulmet po ashtu kanë goditur zonat Mibej, Al Hamad dhe Tabka.