Aeroplanët luftarakë, të udhëhqur nga Shtetet e Bashkuara, kanë goditur disa lokacione të naftës në Siri, të pushtuara nga Shteti Islamik (IS).
Ky i fundit përdor naftën për të gjeneruar të ardhura për organizimin e militantëve.
Forcat e koalicionit kanë shkatërruar tri rafineri të improvizuara të naftës në qytetin Tal Abjad, pranë kufirit me Turqinë, ka njoftuar Observatori Sirian për të Drejtat e Njeriut.
Të shtunën, forcat e koalicionit kanë goditur në qytetin Kobane, i cili ndodhet pranë kufirit me Turqinë.
Kobane është e rrethuar për ditë të tëra dhe mbi 140,000 njerëz kanë lënë shtëpitë e tyre, për t’u larguar në shtetin turk.