Ndërlidhjet

logo-print

Erdogan nuk e pëlqen iPhone 6-ën


Presidenti i Turqisë, Recep Tayyip Erdogan.

Presidenti i Turqisë, Recep Tayyip Erdogan.

Presidenti i Turqisë, Recep Tayyip Erdogan, i njohur për armiqësitë e tij ndaj rrjeteve sociale dhe teknologjisë mobile, është përpjekur të minimizojë namin që ka shkaktuar iPhone 6, duke thënë se smartfoni i ri i kompanisë Apple është i ngjashëm me verzionin paraprak.

“Kjo markë sjell model të ri gati çdo vit. Por, në fakt, iPhone 6 nuk dallon vërtet nga verzioni i vitit të kaluar. Nuk është telefoni që po shitet, por marka e tij”, ka thënë Erdogan në një fjalim televiziv në Stamboll.

Erdogan, në të kaluarën, ka qenë tejet armiqësor ndaj teknologjive të reja. Ai veçanërisht nuk i do mediat sociale, edhe pse shumë ministra të lartë të qeverisë janë përdorues entuziastë të Twitter-it.

Twitter dhe YouTube kanë qenë përkohësisht të ndaluara këtë vit në Turqi, pasi të dyja ueb-faqet janë përdorur nga kundërshtarët e Erdoganit për të postuar akuzat për korrupsion kundër rrethit të tij të brendshëm.

Në muajin gusht, Erdogan ka thënë se mediat sociale janë “thikë në duart e vrasësit”.

Apple, një nga koorporatat më të njohura të Shteteve të Bashkuara, ka nxjerrë iPhone 6-ën këtë muaj, duke shitur mbi 10 milionë sish në tre ditët e para.

XS
SM
MD
LG