Presidenti i Iranit, Hassan Rohani, ka arritur në Rusi për të marrë pjesë në samtin e Detit Kaspik, së bashku me liderët e Rusisë, Azerbajxhanit, Kazakistanit dhe Turkmenisë.
Samiti fillon sot në qytetin rus Astrakhan.
Liderët e këtyre pesë shteteve bregdetare kanë punuar për vite të tëra për arritjen e një marrëveshjeje për statusin juridik të Detit Kaspik.
Aktualisht, marrëveshjet për këtë çështje janë nga viti 1921 dhe 1940, kur Irani dhe ish-Bashkimi Sovjetik, kishin zhvilluar negociata për përmbajtjen e marrëveshjeve.
Por, Azerbajxhani, Kazakistani dhe Turkmenia, shtete që dolën pas shkatërrimit të Bashkimit Sovjetik, nuk janë të kënaqura me këto marrëveshje.
Në samit pritet të diskutohet edhe për rezervat e mëdha të naftës dhe të gazit, që vlerësohen në miliarda dollarë.
Ky do të jetë samiti i katërt në 12 vitet e fundit.
