Ashraf Ghani është inauguruar sot në postin e presidentit të ri të Afganistanit, ndërsa Abdullah Abdullah, në postin e shefit ekzekutiv, që është post i ngjashëm me atë të kryeministrit.
Të dy këta zyrtarë të lartë e dhanë betimin sot gjatë transferit të parë demokratik të pushtetit në këtë vend.
Presidenti i deritashëm, Hamid Karzai, ishte në këtë post prej vitit 2001.
Presidenti i ri, Ashraf Ghani, ka premtuar se do ta nënshkruaj marrëveshjen me Shtetet e Bashkuara, me të cilën do të mundësohet që ushtria amerikane të mbetet e pranishme në këtë vend, me një numër të zvogëluar të trupave.
Porcesi i zgjedhjeve presidenaciale në Afganistan është zgjatur për shkak të akuzave për parregullësi nga dy rivalët kryesorë, Ashraf Ghani dhe Abdullah Abdullah, të cilët përfundimisht, me ndërmjetësimin e Shteteve të Bashkuara, e arritën marrëveshjen për ndarjen e pushtetit.
