Së paku 3,700 fëmijëve në Afrikën Perëndimore u ka vdekur njëri ose të dy prindërit nga epidemia e Ebolës, ka bërë të ditur Fondacioni për Fëmijë i Kombeve të Bashkuara – UNICEF.
Po sipas tij, shumica e këtyre fëmijëve nuk pranohen nga të afërmit e mbijetuar nga frika e infektimit.
“Jetimët zakonisht merren nga një anëtar i familjes së gjerë, por në disa komunitete, frika nga Ebola është bërë më e fuqishme sesa lidhjet familjare”, ka thënë Manuel Fontaine, drejtor rajonal i UNICEF-it për Afrikën perëndimore dhe qendrore.
Numri i jetimëve nga Ebola pritet të dyfishohet në mes të tetorit, sipas parashikimeve të OKB-së.
Vendet më të goditura nga kjo sëmundje janë Liberia, Siera Leone dhe Guinea.
