Ndërlidhjet

Ashpërsohen luftimet mes kurdëve dhe IS në Siri


Militantë të IS, në Siri

Militantë të IS, në Siri

Raportohet për intensifikim të luftimeve mes militantëve të Shtetit Islamik (IS) dhe luftëtarëve kurd afër Kobanit, qytet sirian afër kufirit me Turqinë.

Sipas Observatorit sirian për të Drejtat e Njeriut, militantët e IS po i afrohen Kobanit, vend ky që ka një pozicion strategjik që lidh veriun dhe veri-perëndimin e Sirisë.

Këto raporte vijnë, sot, një ditë pasi që koalicioni ndërkombëtar i udhëhequr nga SHBA, ka zhvilluar më së paku 5 sulme ajrore kundër militantëve të IS, në Siri.

Përplasje të ashpra po ndodhin rreth Kobanit, qysh nga mesi i shtatorit, prej se militantët e IS, po përpiqen që të marrin këtë zonë.

Sulmet dhe përparimet e tyre, kanë bërë që më shumë se 150,000 kurdë të ikin për në Turqi.

Më 1 tetor, Observatori britanik, ka njoftuar se 9 luftëtarë kurdë, përfshirë edhe tri gra, janë kapur afër Kobanit, dhe iu janë prerë kokat, nga militantët e Shtetit Islamik.

XS
SM
MD
LG