Kryesuesja e seancës konstitutive të Kuvendit të Kosovës, deputetja Flora Brovina, pritet të takojë sot përfaqësuesit e partive politike.
Sipas Brovinës, takimi është thirrur për të respektuar nënshkrimet e 62 deputetëve të LDK-së, AAK-së, Nismës dhe Vetëvendosjes, me të cilat ata kërkojnë thirrjen e seancës për ditën e enjte.
Megjithatë, Brovina ka vlerësuar se thirrja e seancës në këtë mënyrë nuk është në rregull, andaj edhe i ka ftuar partitë për konsultime.
Në përpjekje për të gjetur zgjidhje për ngërçin politik, presidentja Atifete Jahjaga ka takuar sërish të martën liderët e partive politike, por pa ndonjë rezultat për krizën.