Ambasadorja e Shteteve të Bashkuara në Kosovë, Tracey Ann Jacobson, ka thënë sot në Prishtinë se shpreson që zyrtarët e zgjedhur do të gjejnë një zgjidhje për ngërçin politik.
“Zgjidhja është tek zyrtarët e zgjedhur, të cilët janë zgjedhur me votat qytetarëve të Kosovës. Unë shpresoj se do të gjejnë zgjidhje”.
“Ne plotësisht përkrahim procesin e konsultimeve që është duke bërë presidentja”, ka theksuar ambasadorja Jacobson.
Këto komente zonja Jacobson i bëri gjatë një vizite në Ministrinë e Punëve të Brendshme të Kosovës, me rastin e dorëzimit të Sistemit të Menaxhimit të Resurseve të Informatave, që zbatohet për qëllimet strategjike në këtë rast të Ministrisë së Punëve të Brendshme – rritjen e efikasitetit dhe llogaridhënien.
