Presidenti i Rusisë, Vladimir Putin, e ka kritikuar Moldavinë për refuzimin e mbajtjes së konsultimeve me Moskën për marrëveshjen me të cilën forcohen lidhjet e Moldavisë me Bashkimin Evropian.
Gjatë fjalimit të sotëm në një samit në Minsk të Bjellorusisë, ku ishte i pranishëm edhe presidenti i Moldavisë, Nicolae Timofti, Putini tha se Marrëveshja për Asocim e Moldavisë me BE-në, mund të ndikoj në raportet tregtare ndërmjet Rusisë dhe Moldavisë.
Mëtutje, Putin e ka përmendur faktin se implementimi i pjesës për tregti të lirë i marrëveshjes Ukrainë – Bashkimi Evropian, është shtyrë deri më 31 dhjetor të vitit 2015, për shkak të “konsultimeve intensive me BE-në dhe Ukrainën” nga ana e Rusisë.
Presidenti Putin tha se Moldavia nuk u ishte përgjigjur “thirrjeve të shumta” të Moskës për ta bërë një gjë të tillë.
