Presidenti i Ukrainës, Petro Poroshenko, ka thënë se do të takojë homologun rus, Vladimir Putin, javën e ardhshme, për të diskutuar konfliktin gjashtëmujor midis Kievit dhe rebelëve pro-rusë në lindje të Ukrainës.
“Do të takoj presidentin e Rusisë, Vladimir Putin, në Milano”, ka thënë Poroshenko gjatë një vizite në qytetin lindor të Kharkovit.
Në Milano do të zhvillohet një samit euro-aziatik më 16 dhe 17 tetor.
“Bisedimet do të përfshijnë edhe kancelaren gjermane, Angela Merkel, kryeministrin italian, Matteo Renzi, dhe kryeministrin britanik, David Cameron”, ka thënë Poroshenko.
