Raportet nga Irani thonë se shtatë persona – përfshirë tre zyrtarë të lartë të policisë iraniane – janë vrarë nga rrëzimi i aeroplanit.
Ata kanë qenë duke udhëtuar nga Teherani për në provincën Sistan-Baluçistan, për të hetuar sulmet e militatëve ndaj forcave të sigurisë.
Rrënojat e aeroplanit janë gjetur në një zonë malore, mëngjesin e sotëm.
Një komandat i policisë ka thënë se aeroplani nuk është rrëzuar nga ndonjë raketë apo armë tjetër.
Në Sistan-Baluçistan ka shpesh dhunë, që përfshin ekstremistët sunitë dhe kontrabandues të drogës.
