Mijëra mbështetës të opozitës në Azerbajxhan kanë protestuar të dielën në Baku, duke kërkuar dorëheqjen e presidentit Ilham Aliyev dhe fundin e shtypjes së aktivistëve civilë.
Protestuesit po ashtu kanë kërkuar integrim më të ngushtë midis Bakusë dhe Bashkimit Evropian, si dhe lirimin e të burgosurve politikë.
Protesta është organizuar nga Këshilli Kombëtar i Forcave Demokratike, një lëvizje pro demokracisë e opozitës së bashkuar të Azerbajxhanit.
Tubimi është lejuar nga autoritetet komunale me kushtin që ai të mbahet në një stadium në një pjesë të largët të Bakusë.