Ndërlidhjet

Sulme të reja ajrore kundër militantëve të Shtetit Islamik


Tym në qytetin Kobani ku po zhvillohen luftime të ashpra

Osbervatori sirian për të drejtat e njeriut me seli në Londër thotë se koalicioni i udhëhequr nga Shtetet e Bashkuara, sot i ka ndërmarrë gjashtë sulme ajrore kundër militantëve të Shtetit Islamik në qyetin Kobani në Siri.

Sipas këtij grupi monitorues, që e ka rrjetin e aktivistëve brenda Sirisë, tri sulme e kanë goditur lagjen Kani Arban, pak kohë pas mesnatës, derisa ka pasur përleshje ndërmjet militantëve të Shtetit Islamik dhe luftëtarëve kurdë, që e mbrojnë këtë qytet, i cili gjendet afër kufirit me Turqinë.

Në cak të tri sulmeve të tjera sot në mëngjes, ishte një kompleks i sigurisë i militantëve në qendër të qytetit.

Observatori sirian thotë se në Kobani kanë vazhduar luftimet e ashpra gjatë dy ditëve të kaluara, derisa forcat kurde e kanë zmbrapsur një sulm të militantëve, që ishin duke avancuar.

Militantët i kanë hedhur afro 50 predha në hapësirat kurde.

Aktivistët e observatorit i kanë cituar burimet spitalore, që kanë thënë se gjatë dy ditëve të kaluara në qytetin Kobani, janë vrarë së paku 70 militantë të Shtetit Islamik.

XS
SM
MD
LG