Shtetet e Bashkuara thonë se mund të imponojnë sanksione ndaj secilit që blenë naftë nga militantët e grupit ekstremist, Shteti Islamik, në përpjekje për shkatërrimin e asaj që është përshkruar si burim i financimit prej 1 milion dollarësh në ditë.
Nënsekretari i thesarit i Shteteve të Bashkuara, David Cohen, tha sot gjatë një fjalimi në Uashington se administrata amerikane po e intensifikon fokusin e saj në shkatërrimin e financimit të Shtetit Islamik.
Sipas tij, militantët e Shtetit Islamik po fitojnë dhjetëra miliona dollarë në muaj me shitjen e nafëts, çmimet që u paguhet për rrëmbime, zhvatje dhe aktivitete të tjera kriminale, e po ashtu edhe nga mbështetja e donatorëve të pasur.
Zoti Cohen tha se nafta është burimi kryesor i financimit.
Militantët e Shtetit Islamik kanë okupuar territore të gjëra në Irak dhe Siri.