Një Gjykatë në Bosnje e Hercegovinë ka dënuar sot, dy ish-ushtarë serb me nga 20 vjet burg.
Ata janë akuzuar për krime të ndryshme përfshirë ekzekutimin e 48 civilëve myslimanëve gjatë luftës në Bosnje në vitet e 90-ta.
"Predrag Milisavljevic dhe Milos Pantelic janë shpallur fajtor për përfshirje në dëbimin e popullatës myslimane nga Vishegrad, dhe për ekzekutimin e myslimanëve (meshkuj) mes prillit dhe qershorit të vitit 1992”, thuhet në deklaratën e gjykatësit.
Gjykatësja Vesna Jesenkovic, ka gjetur fajtor dy ish-ushtarët serb për pjesëmarrje në ekzekutimin e 48 myslimanëve të gjinisë mashkullore, të cilit i kishin ndarë nga konvoji i refugjatëve, derisa ishin duke u larguar nga Vishegradi. Krimi ka ndodhur më 15 qershor 1992.
Ndryshë, më këtë datë forcat serbe kanë vrarë në Vishegrad dhe përreth saj më shumë se 1,500 civilë.
