Nënpresidenti i Zambisë, Guy Scott, është emëruar udhëheqës në detyrë pas vdekjes së presidentit Michael Sata.
Zgjedhjet presidenciale për të zgjedhur pasardhësin e përhershëm do të mbahen brenda 90 ditësh, ka thënë ministri i Mbrojtjes, Edgar Lungu.
Scott, i cili është me origjinë skoceze, bëhet lideri i parë i bardhë i një shteti në Afrikë në disa dekada.
Sata ka vdekur të martën në Mbretërinë e Bashkuar, në moshën 77-vjeçare, por sëmundja e tij nuk është zbuluar.