Lideri palestinez, Mahmud Abbas, ka mirëpritur vendimin e Suedisë për të njohur shtetin e Palestinës.
Ai ka thënë se ky është një vendim i guximshëm dhe historik dhe u ka bërë thirrje edhe vendeve të tjera që të ndjekin këtë shembull.
Suedia ka njohur sot zyrtarisht shtetin e Palestinës, duke u bërë vendi i parë i madh i Evropës që bën një gjë të tillë.
Ky vendim ka shkaktuar kritika të ashpra nga Izraeli.
Ministri i Jashtëm izraelit, Avigdor Lieberman, ka thënë se “njohja e shtetit palestinez është një vendim i mjerë, që do të forcojë elementet ekstremiste”.
