Një gjykatë në Baku ka dënuar një gazetar me 25 ditë burgim, nën akuzat se ka përdorur fjalë vulgare në publik.
Xalid Qarayev është gazetar i gazetës opozitare "Azadliq" (Liria).
Ai është arrestuar më 29 tetor.
Qarayev ka thënë se është i pafajshëm dhe se rasti kundër tij është i motivuar politikisht.
Autoritetet në Azerbajxhan janë kritikuar ashpër për shkelje të të drejtave të njeriut dhe për presionin e qeverisë mbi gazetarët.