Zëvendës guvernatori i provincës Kandahar në jug të Afganistanit, Abdul Qadim Patyal, është vrarë derisa ishte ishte i ulur në një klasë të një Universiteti.
Autoritetet e vendit njoftojnë se Patyal 32 vjeçar, ka vdekur si pasojë e plagëve të marra, pasi një person i armatosur ka shtënë me armë zjarri në të, përmes një dritare të një klase në Universitetin e Kandaharit.
Rasti ka ndodhur në orët e vona të 2 nëntorit.
Përmes një deklarate lëshuar nga zyra e Presidentit Ashraf Ghani, vrasja është cilësuar si sulm terrorist. Ndërsa thuhet se qeveria do të hetojë rastin.
Ende askush nuk ka marrë përgjësinë për sulmin.
Ndryshe, ky nuk është rasti i parë i këtij lloji. Para gati tre vjetësh, njëjtë është vrarë zëvendës guvernatori i provincës së Kandaharit jugor.
Zëvendës guvernatori i atëhershëm ishte Abdul Latif Ashna, makina e të cilit ishte sulmuar nga talibanët.
Talibanët ndonëse tash sa vite janë vu në sulme kundër qeverisë, muajt e fundit ata kanë rritur edhe më shumë aktivitetet e tyre.