Bashkimi Evropian gjatë tri viteve të ardhshme do ta mbështesë Armeninë me një shumë prej 140 e deri në 170 milionë euro për reforma në sektorin privat, administratën publike dhe sistemin e drejtësisë.
Marrëveshja për këtë mbështetje është nënshkruar dje në Bruksel nga komisionari për fqinjësi evropiane dhe negociata për zgjerim, Jonannes Hahn, dhe ministri i ekonomisë i Armenisë, Karen Chshmaritian.
Hahn tha se Armenia synon vazhdimine bashkëpunimit në fushat e interesit reciprok, ndërsa Brukseli do t’i inkurajoj reformat në Armeni.
Korrespondenti i Radios Evropa e Lirë në Bruksel raporton se kjo është marrëveshja më e rëndësishme ndërmjet dy palëve, pasi Armenia, në vitin 2013, ka vendosur që të bëhet anëtare e Unionit Ekonomik të Euroazisë, që udhëhiqet nga Rusia.