Organizata Botërore e Shëndetësisë (OBSH) ka thënë se virusi Ebola është duke treguar shenja të dobësimit në Liberi, vendin e goditur më së keqi, por vazhdon të bëjë kërdi në Siera Leone dhe Guine.
Të dhënat e fundit të OBSH-së konfirmojnë se Ebola ka vrarë afro 5,000 njerëz dhe se ka infektuar mbi 13,000 në Afrikën perëndimore.
Edhe pse përhapja e virusit është ngadalësuar në Liberi, zyrtarët thonë se vazhdon të jetë e nevojshme ndihma e komunitetit ndërkombëtar.