Zyrtarë amerikanë, kanë thënë se Sekretari i Mbrojtjes, Chuck Hagel, është duke planifikuar ndryshime të mëdha brenda forcave bërthamore të vendit, duke premtuar edhe investime miliarda dollarëshe, për të përmirësuar menaxhmentin e arsenalit bërthamor të Amerikës.
Hagel, ka urdhëruar kontrollimin e forcave bërthamore, pasi që gazetarët hetues në SHBA, në fillim të këtij viti, zbuluan probleme të shumta në menaxhim, në siguri dhe në aspektin moral.
Raportet e tyre, kanë dokumentuar një mori gabimesh që kanë ndodhur tek menaxhmenti i forcave bërthamore gjatë dy viteve të fundit, ku përfshihen sjelljet e këqija nga ana e udhëheqësve, gabime në trajnime, shkelje të rregullave të sigurisë dhe mashtrime në provime.
Këto raportime, kanë çuar në disa shkarkimeve, degradime, si dhe marrjen e masave të tjera disiplinore ndaj personelit të Forcave Ajrore të SHBA-së.
Zyrtarë të Pentagonit, kanë thënë për Associated Press se Hagel pritet që të zbulojë më shumë detaje lidhur me këtë çështje, në një konferencë për media, sot më 14 nëntor.
