Serbia dhe Rusia, sot kanë filluar ushtrimet e para së bashku, që kanë për qëllim anti-terrorizmim.
Shfaqja e fuqisë ushtarake ruse në një vend që kërkon të anëtarësohet në Bashkimin Europian, po ndodh pas një vizite që këtij vendi i bëri Presidenti rus, Vladimir Putin, muajin e kaluar, dhe ku sot fillon një vizitë tri ditore, kreu i Kishës Ortodokse Serbe, Patriarku Kirill.
Para disa ditësh, korrespondenti i Radios Evropa e Lirë në Beograd, ka bërë të ditur se 6 avionë rus të tipit IL-76 kanë arritur në aeroportin e Beogradit, më 6 nëntor, për qëllim të këtij ushtrimi.
Mediat ruse kanë cituar zyrtarë nga Ministria e Brendshme ruse, të cilët thonë se njësi të paratrupave nga Tula, do të marrin pjesë në manovrat e përbashkëta me njësi serbe.
Analisti serb për çështje militare, Ljubodrag Stojadinovic, ka thënë për Radion Evropa e Lirë, se ushtrime të tilla të përbashkëta nuk janë mbajtur asnjëherë më parë në Serbi.
Sipas tij, me këto veprime, Moska po dëshiron të tregojë se ka aleat në Evropë.
