Ndërlidhjet

Schultz: Në Vjenë po punohet furishëm për marrëveshje


John Kerry (djathtas) Catherine Ashton dhe Javad Zarif në Vjenë

John Kerry (djathtas) Catherine Ashton dhe Javad Zarif në Vjenë

Bisedimet ndërkombëtar që duket se ndodhen në një rrrugë pa krye, e me të cilat synohet arritja e marrëveshjes së përhershme me Iranin për programin e tij atomik, kanë hyrë në fundjavën përfundimtare para 24 nëntorit, që është afati i fundit për arritjen e pajtueshmërisë.

Në shenjë të rëndësisë së negociatave, që po zhvillohen në Vjenë, sekretari amerikan i shtetit, John Kerry, dhe ministri i jashtëm iranian, Mohammad Javad Zarif, kanë qëndruar gjatë natës së kaluar në Vjenë, me synim që të dilet nga bllokada në negociata, që po zgjasin tash e një vit.

Grupi i gjashtë fuqive botërore kërkon që Irani ta ndalë programin e tij atomik, ndërsa në shenjë kompensimi do të tërhiqeshin sanksionet.

Zëdhënësi i Shtëpisë së Bardhë, Eric Schultz, tha se pjesëmarrësit në negociata “po punojnë furishëm” në përpjekjet e tyre për arritjen e marrëveshjes brenda afatit të paraparë.

XS
SM
MD
LG