Ndërlidhjet

logo-print

Zyrtarët: Marrëveshja atomike duket e pamundshme


Pallati Coburg në Vjenë ku po mbahen negociatat për programin atomik iranian

Pallati Coburg në Vjenë ku po mbahen negociatat për programin atomik iranian

Zyrtarët thonë se negociatat ndërmjet gjashtë fuqive botërore dhe Iranit, vështirë se do ta hapin rrugën për marrëveshje të përhershme për programin atomik iranian, para 24 nëntorit, që është afati i përcaktuar, megjithë diplomacinë e furishme të minutës së fundit.

“Për të arritur marrëveshje gjithpërfshirëse duket fizikisht e pamundshme”, raporton sot agjencia Reuters duke e cituar një zyrtar evropian, që ka folur në kushte të anonimitetit.

Një pjesëtar i delegacionit të Iranit në negociatat e Vjenës i ka dhënë jehonë kësaj deklarate duke thënë se “është e pamundshme të arrihet marrëveshje finale dhe gjithpërfshirëse”.

Grupi i 6 shteteve, Shtetet e Bashkuara, Britania, Franca, Kina, Rusia dhe Gjermania, dëshirojnë marrëveshje me të cilën Irani do të siguroj se nuk do të zhvilloj kapacitete për prodhimin e armatimit bërthamor.

Në këmbim, këto vende ofrojnë tërheqje të sanksioneve ekonomike ndërkombëtare.

XS
SM
MD
LG