Janë vjedhur tetë këpucë që dikur i përkisnin viktimave të Holokaustit, nga ish kampi Majdanel në Poloni, tani muze shtetëror.
Agjencioni polak PAP, shkruan se vjedhja ka ndodhur mes 18 dhe 20 nëntorit, kur punëtorët e muzeut kanë parë që një metal mbrojtës i një ekspozite është këputur dhe se këpucët nuk gjenden brenda saj.
Ekspozita posedon 56,000 këpucë që i përkisnin hebrenjëve të vrarë në kampin e vdekjes, i hapur nga nazistët gjerman në Poloni gjatë Luftës Dytë Botërore.
