Ndërlidhjet

Mustafa: Marrëveshja nënshkruhet javën tjetër


Isa Mustafa

Isa Mustafa

Kryetari i Lidhjes Demokratike të Kosovës, Isa Mustafa, përmes një shkrimi në rrjetin social Facebook ka njoftuar se i ka vazhduar konsultat me kryetarin e Partisë Demokratike të Kosovës, Hashim Thaçi rreth harmonizimit të programit qeveritar dhe për ndarjen e përgjegjësive.

"Është bërë një punë e rëndësishme në definimin e raporteve të bashkëpunimit, në mënyrë që qeverisja të jetë e qëndrueshme dhe efektive", ka shkruar Mustafa.

Sipas tij, marrëveshja pritet të nënshkruhet në fillim të javës së ardhshme.

"Me marrëveshje do të bëhet edhe ndarja e përgjegjësive, përfshirë edhe fushat e caktuara të qeverisjes. Pas kësaj do të pasojnë konsultimet e brendshme për caktimin e kabinetit qeveritar", ka shkruar në fund Mustafa.

  • 16x9 Image

    Zijadin Gashi

    Zijadin Gashi, i lindur më 1973 në Prishtinë. Me gazetari ka filluar të merret që nga viti 1997, duke u angazhuar fillimisht nëpër mediat lokale. Si korrespondent i Radios Evropa e Lirë punon që nga maji i vitit 2001. Kryesisht ka mbuluar aktualitetin politik në Kosovë.

    Nga 1 shkurti 2016, është emëruar shef i Byrosë së Radios Evropa e Lirë, në Prishtinë. Ai është i martuar dhe ka 3 fëmijë.

XS
SM
MD
LG