Moldavët votojnë sot në zgjedhjet parlamentare, të cilat konsiderohen si garë midis partive pro-evropiane dhe atyre që mbështesin lidhjet më të afërta me Rusinë.
Mbi 2.8 milionë moldavë do të zgjedhin deputetët për parlamentin 101-vendesh.
Sondazhet e fundit u kanë dhënë përparësi partive pro-perëndimore, por, pas zgjedhjeve, analistët parashohin pazarllëqe të ndryshme.
Përpara votimeve, një partie pro-ruse i është ndaluar pjesëmarrja në zgjedhje.
Ky hap është kritikuar shumë nga Moska.
Moldavia, njëri nga vendet më të varfra të Evropës, është udhëhequr nga koalicione të partive pro-evropiane qysh më 2009.