Agjencia Ndërkombëtare për Energji Bërthamore (IAEA) e ka hedhur poshtë një ofertë iraniane për qasje në rajonin ku ka dyshime se janë bërë ushtrime me materiale eksploduese për zhvillimin e armatimit atomik.
Kjo agjenci e Kombeve të Bashkuara thotë se kjo ofertë nuk e trajton shqetësimin kryesor të saj.
Agjencia Ndërkombëtare për Energji Bërthamore kërkon qasje në bazën ushtarake Parchin, në juglindje të kryeqytetit Teheran.
Por, Irani refuzon të lejoj qasje në këtë bazë, duke thënë se është kapacitet konvencional ushtarak.