Ndërlidhjet

logo-print

Romë: Takohen John Kerry dhe Benjamin Netanyahu


John Kerry (majtas) dhe Benjamin Netanyahu gjatë një takimi në Tel Aviv

John Kerry (majtas) dhe Benjamin Netanyahu gjatë një takimi në Tel Aviv

Sekretari amerikan i shtetit, John Kerry, pritet të takohet sot në Romë me kryeministrin e Izraelit, Benjamin Netanyahu, derisa shtetet evropiane po bëjnë presion për marrëveshje për shtetësinë palestineze.

Zoti Kerry, mbrëmë arriti në Romë, me ç’rast u takua me ministrin e jashtëm rus, Sergei Lavrov.

Takimi zgjati më tepër se tri orë dhe zoti Lavrov theksoi se duhet të punohet së bashku, në mëynrë që të evitohet përkeqësimi i situatës në Lindjen e Mesme.

Sot, më vonë gjatë ditës, zoti Kerry do të niset për në Paris, për të biseduar me zyrtarët e lartë të BE-së dhe me ministrat e jashtëm të Francës, Britanisë dhe Gjermanisë.

Këto tri vende po e përgatisin një rezolutë në Kombet e Bashkuara, në të cilën bëhet thirrje për kthim në negociata, që synojnë arritjen e zgjidhjes me dy shtete, ku Izraeli dhe shteti palestinez i ardhshëm do të bashkëjetonin.

XS
SM
MD
LG