Ndërlidhjet

HRW dhe AI: Rusia ta ndalë persekutimin e aktivistëve në Çeçeni


Organizatat Human Rights Watch dhe Amnesty International, u kanë bërë thirrje autoriteteve të Rusisë, që të ndërmarrin masa për ndaljen e fushatës së “persekutimit” kundër aktivistëve për të drejtat e njeriut në Çeçeni dhe tu ofrojnë atyre mbrojtje.

Kjo deklaratë e e përbashkët është bërë sot, dy ditë pasi zyrja e degës së Komitetit për Parandalimin e Torturës (KPT) në Grozni, ishte ndezur.

Dy aktivistë të këtij komiteti ishin marrë nga persona të armatosur, ishin paraburgosur për disa orë nga policia dhe u ishin konfiskuar kompjuterët dhe telefonat mobilë personalë.

Presidenti çeçen, Ramzan Kadyrov, që mbështetet nga Kremlini, e kishte implikuar udhëheqësin e Komitetit për Parandalimin e Torturës, Igor Kalyapin, për ndihmë financare të një sulmi të armatosur në Grozni, më 4 dhjetor, nga i cili janë vrarë 14 policë.

Igor Kalyapin e kishte kritikuar presidentin Kadyrov për deklaratën se të afërmit e militantëve të involvuar në sulmet vdekjeprurëse do të dëboheshin hga Çeçenia dhe do të shkatërroheshin shtëpitë e tyre.

Rrjedhimisht, tetë shëtpi janë shkatërruar dhe janë ndezur.

Anna Neistat, nga organizata Amnesty International, tha se Kadyrov “duket se po udhëheq fushatë personale kundër” komitetit dhe zotit Kalyapin.

XS
SM
MD
LG