Një person, i cili mbrëmë është lyer me benzinë dhe është djegur në qendër të Pragës, është në gjendje kritike dhe mjekët po luftojnë për jetën e tij.
Ai është vetëdjegur në Sheshin e Vaclavit, në të njëjtin vend ku para 45 vjetësh është vetëdjegur studenti Jan Palach, në shenjë kundërshtimi ndaj pushtimit sovjetik të Çekosllovakisë.
“Bëhet fjalë për një pacient 56-vjeçar të spitalit të psikiatrisë, i cili ka dalë në shëtitje, por nuk është kthyer në spital. Ai është vetëdjegur”, ka thënë zëdhënësi i policisë çeke, Tomas Hulan.
