Ndërlidhjet

logo-print

Irak: Avancim i kurdëve kundër militantëve të IS-it


Pjesëtarë të forcave kurde në Irak

Pjesëtarë të forcave kurde në Irak

Forcat kurde në Irak pretendojnë se kanë bërë më tepër avancime kundër militantëve të Shtetit Islamik (IS).

Një udhëheqës i lartë i forcave kurde, të njohura me emrin Peshmerga, tha se dje militantët e Shtetit Islamik janë detyruar të largohen nga rajoni Snury, në veri të malit Sinxhar.

Ky pretendim për avancim u bë vetëm një ditë pasi forcat kurde e shpërthyen një rrethim në malin Sinxhar, duke e cilësuar këtë si fitoren e tyre më të madhe në luftën e deritashme kundër militantëve të Shtetit Islamik.

Grupi ekstremist, Shteti Islamik, ka okupuar territore të gjëra në Siri dhe Irak, më herët gjatë këtij viti, duke vrarë ose larguar nga shtëpitë e tyre mijëra persona shiitë dhe jo-myslimanë në rajon, por tash duket se luftimet në pjesën veriore të Irakut po marrin një drejtim tjetër.

Presidenti i rajonit kurd në Irak, Masud Barzani, personalisht po e udhëheq ofensivën për rimarrjen e kontrollit në gjithë hapësirën e Sinxharit, në pjesën veriperëndimore të Irakut, në kufirin me Sirinë.

XS
SM
MD
LG