Ndërlidhjet

Rumani: Dërgohen 450 trupa shtesë në Afganistan


Traian Basescu

Traian Basescu

Presidenti në largim i Rumanisë, Traian Basescu, thotë se vendi i tij është i përkushtuar për dërgimin e 450 ushtarëve shtesë në Afganistan, duke filluar nga viti i ardhshëm, pasi më herët Bukureshti kishte paralajmëruar dërgimin e 200 instruktorëve dhe trajnerëve ushtarakë.

Basescu tha sot se Këshilli suprem i mbrojtjes e ka miratuar vendosjen e ushtarëve shtesë, të cilët do ta ruajnë aeroportin dhe bazën ushtarake në qytetin Kandahar.

Në komentet e tij të sotme në koferencën lamtumirëse, para dorëzimit të nesërm të detyrës, Traian Basecsu tha se vendimi ishte bërë pas kërkesës së aleatëve të Rumanisë.

Në vitin 2010, Rumania e kishte numrin e saj më të madh të ushtarëve në Afganistan, gjithsej 1600 sosh. Në Afganistan kanë humbur jetën 76 ushtarë rumunë, përfshirë 20 sosh që janë vrarë në aksione.

Forca Ndihmëse e Sigurisë në Afganistan, e udhëhequr nga NATO-ja, e përfundon misionin në fund të këtij muaji, por atje gjatë vitit 2015 do të mbesin afro 12,500 trupa të jashtme, shumica prej tyre amerikanë, që do të kenë rol mbështetës.

XS
SM
MD
LG