Rusia ka thënë se filmi “The Interview”, që flet për vrasjen fiktive të liderit verikorean, Kim Jong Un, është aq skandaloz saqë zemërimi i Koresë së Veriut është “shumë i kuptueshëm”.
Kompania filmike Sony Pictures, e cila ka prodhuar filmin, është sulmuar nga hakerët për shkak të tij.
Zëdhënësi i Ministrisë së Jashtme ruse, Alexander Lukashevich, ka thënë se Uashingtoni nuk ka arritur të sjellë prova që flasin për përfshirjen e Phenjanit në sulmin kibernetik.
Phenjani ka mohuar se është i përfshirë në sulm, por po ashtu e ka vlerësuar atë si “vepër të drejtë”.
Lukashevich ka thënë se “koncepti i filmit është aq agresiv dhe skandaloz, saqë reagimi i Koresë së Veriut është mjaft i kuptueshëm”.
Sony fillimisht ka vendosur të mos e shfaqë filmin për shkak të kërcënimeve kundër kinemave të SHBA-së, por shfaqja e tij në kinema dhe online ka nisur më 24 qershor.
