Presidenti i Shteteve të Bashkuara, Barack Obama, ka shënuar fundin e luftës në Afganistan duke nderuar ushtrinë amerikane në Ditën e Krishtlindjeve.
Në një bazë të trupave të marinës në Havai, Obama ka vlerësuar përkushtimin dhe sakrificën e trupave.
“Ky është një vit i rëndësishëm. Ne kemi qenë në luftë të vazhdueshme për më shumë se 13 vjet. Dhe, javën e ardhshme, do të përfundojmë misionin luftarak në Afganistan. Për shkak të shërbimit të jashtëzakonshëm të burrave dhe grave në forcat e armatosura të SHBA-së, Afganistani ka shansin të rindërtojë vendin e tij. Ne jemi më të sigurt. Ai nuk do të jetë burim i sulmeve terroriste përsëri”, ka thënë Obama.
Pas fundit të këtij viti, në Afganistan do të mbten rreth 13,500 trupa ndërkombëtare me qëllim të trajnimit të forcave lokale.