Një person është vrarë sot pak para orës 15 në pjesën veriore të Mitrovicës, është konfirmuar nga policia për Radion Evropa e Lirë.
Komandanti rajonal i policisë së Kosovës për pjesën veriore, Nenad Gjuriq, tha se policia ka marrë informacion se ka ndodhur një vrasje.
“Viktimë është një mashkull i kombësisë serbe me inicialet I. R., i lindur në vitin 1983, dhe ai është dërguar në spital në Mitrovicë pa shenja të jetës. Në qendrën shëndetësore është konstatuar vdekja. Tash për tash, kryesi i vrasjes është i panjohur. Ai ka shtënë disa herë kundër viktimës dhe hetimet për këtë raast po vazhdojnë”, tha zoti Gjuriq.
