Shkëlqim Dervishaj, 28 vjeçar, ka ndërruar jetë në spitalin e Tiranës për shkak se nuk ka mundur t’iu bëj ballë plagëve të marra nga aksidenti që ka pësuar më 18 dhjetor në magjistralen Deçan-Gjakovë.
Policia rajonale e Pejës ka bërë të ditur se për vdekjen e Dervishajt janë njoftuar të dielën.
Dervishaj nga fshati Isniq i Deqanit, është aksidentuar mbrëmjen e 18 dhjetorit në hyrje të fshatit Prilep të Deçanit.
Policia e Pejës ka njoftuar se për vdekjen e të aksidentuarit është njoftuar edhe Prokurori i Shtetit.
Rasti po hetohet nga njësia e hetimeve të aksidenteve të Policisë së Kosovs në qytetin e Pejës.
