Një makinë bombë ka shpërthyer sot përpara një hoteli ku vepron parlamenti i qytetit lindor të Libisë, Tobruk.
Zyrtarët kanë njoftuar se eksplozivi ka shpërthyer teksa ligjvënësit ishin në njërën nga sallat.
Lajmin për shpërthimin e ka bërë me dije zëdhënësi i parlamentit të qytetit Tobruk, Farraj Hashem.
Sipas burimeve brenda organeve të sigurisë, disa njerëz janë plagosur si rezultat i shpërthimit.
