Ambasada e Kosovës në Hungari thotë se është informuar nga autoritetet e këtij vendi për gjetjen e “trupit të pajetë të një shtetasi të Kosovës në territorin e Hungarisë”.
Autoritetet e Hungarisë e kanë bërë identifikimin e trupit të pajetë dhe janë në kontakt të vazhdueshëm me Ambasadën e Kosovës në Budapest, për ndriçimin e rrethanave të këtij rasti, thuhet në njoftimin për media të Ambasadës së Kosovës.
Ambasada thotë se i ka filluar procedurat për kthimin sa më të shpejt të trupit të pajetë të shtetasit të Kosovës në atdhe.
Ministria e jashtme e Kosovës ka vendosur kontakte me familjarët e të ndjerit dhe u ka shprehur ngushëllime të sinqerta për humbjen e të afërmit të tyre, theksohet në fund të njoftimit për media të Ambasadës së Kosovës në Hungari.
Mediat në Kosovë njoftojnë se viktima kishte bërë përpjekje të depërtojë në Gjermani.
