Kryeministri i Francës, Manuael Valls, tha se disa njerëz janë arrestuar dhej janë mbajtur gjatë natës, në kuadër të kërkimit për të dyshuarit për sulmin, nga i cili u vranë 12 vetë në zyrat e revistës javore satirike, Charlie Hebdo, në Paris.
Agjencia AFP ka cituar një burim gjyqësor që ka thënë se burra dhe femra të afërt me dy vëllezërit e dyshuar për kryerje të këtij sulmi, janë marrë në pyetje nga policia.
Policia është në kërkim masiv për personin, Cherif Kouachi, 32 vjeçar, i cili ishte dënuar në vitin 2008, për involvim në një rrjet, që ka dërguar luftëtarë në Irak, dhe vëllaut të tij, Said, 34 vjeçar.
I dyshuari i tretë, Hamyd Mourad, 18 vjeçar, sot herët në mëngjes i është dorëzuar policisë.
Kryeministri Valls tha se vëllezërit Kouachi, që janë të lindur në Paris, u janë të njohur shërbimeve të inteligjencës dhe nuk ka dyshim se ishin përcjellur edhe para sulmit.
Vlerësohet se ky ishte sulmi më vdekjeprurës në Francë për dekada.