Në Pakistan është rihapur shkolla, e cila ishte mbyllur pas masakrës së talibanëve, më 16 dhjetor.
Studentët dhe familjet e tyre sot janë kthyer në Shkollën Publike Ushtarake në Peshavar, pasi ka përfunduar pushimi i gjatë dimëror.
Nga sulmi i militantëve talibanë në këtë shkollë ishin vrarë 142 nxënës dhe 9 pjesëtarë të personelit.
Ky ishte sulmi më vdekjeprurës nga militantët islamikë për vite të tëra në Pakistan.
Masat e sigurisë në këtë dhe në shkollat e tjera të Pakistanit janë shtuar.
