Një video nga kamerat mbikëqyrëse tregon partneren e sulmuesit të dyqanit në Paris, Amedy Coulibaly, teksa arrin në aeroportin Sabiha Gokcen të Stambollit.
Videoja tregon Hayat Boumeddiene duke kaluar kontrollin e pasaportave me një burrë tjetër, më datën 2 janar.
Mendohet se ajo ndodhet tani në Siri.
Policia është në kërkim të saj, pasi Coulibaly dhe dy persona të tjerë të armatosur kanë kryer sulme terroriste në Paris, javën e kaluar.
Rreth 10,000 trupa janë vendosur në Francë, pas sulmeve.
Hayat Boumeddiene është identifikuar si e dyshuar nga policia franceze, edhe pse ajo ka lënë Francën para sulmeve.
Ministri i Jashtëm i Turqisë ka thënë se ajo ka arritur në Turqi më 2 janar nga Madridi dhe se ka vazhduar për në Siri gjashtë ditë më vonë.
Videoja nga kamerat e sigurisë është publikuar nga policia turke.
