Shtetet e Bashkuara të Amerikës sot kanë njoftuar për rregullat e reja të cilat do ta heqin embargon amerikane ndaj Kubës.
Me rregullat e reja, në mes të dy shteteve, do të ketë mundësi për shkëmbime të mallërave dhe për udhëtimet e qytetarëve amerikanë.
Sipas rregullave të reja, më nuk është e nevojshme licenca e përgjithshme për të shkuar në Kubë për ata qytetarë që marrin autorizim për të shkuar atje.
Por, ende mbetet i ndaluar udhëtimi turistik.
Regullat e reja mundësojnë që kredit dhe debit kartelat amerikane të përdoren në Kubë.
Kompanitë amerikanë me rregullat e reja, mund të transportojnë në Kubë telefona mobilë, televizorë, kompjuterë dhe pajisje të tjera elektronike për ishullin i cili aktualisht vuan nga infrastruktura e dobët e komunikimit.
