Shtëpia e Bardhë ka njoftuar se presidenti amerikan, Barak Obama dhe kancelarja gjermane, Angela Merkel gjatë një bisede telefonike, kanë diskutuar për shqetësimet e tyre në lidhje me përshkallëzimin e situatës në Ukrainën lindore.
Obama dhe Merkel, siç bëhet me dije përmes një deklarate të lëshuar, kanë diskutuar për nevojën e gjetjes së “një zgjidhje të qëndrueshme dhe paqësore të konfliktit” në mes të forcave ukrainase të sigurisë dhe seperatistëve pro-rusë.
Obama dhe Merkel kanë biseduar disa orë pas njoftimeve nga ana e rebelëve se e kanë marrë kontrollin mbi aeroportin e Donjeckut.