Shërbimi Sekret tha se të shtëna të shumëfishta janë shkrepur mbrëmë nga një makinë afër shtëpisë së zëvendëspresidentit të Shteteve të Bashkuara, Joe Biden, në qytetin Delaware.
Zëvendëspresidenti dhe bashkëshortja e tij në atë kohë nuk ishin në shtëpi, raporton agjencia AP.
Shërbimi Sekret tha se të shtënat janë shkrepur kah ora 8:15 në mbrëme në një rrugë publike jashtë perimetrit të sigurisë, afër shtëpisë në vendbanimin Greenville në Delaware.
Të shtënat janë dëgjuar nga personeli i Shërbimit Sekret. Ata thanë se makina ka lëvizur me shpjetësi të madhe dhe është larguar nga vendi i ngjarjes.
Po zhvillohen hetime lidhur me këtë incident.
Zyra e zëvendëspresidentit Biden tha se ai dhe bashkëshortja e tij, Jill Biden, më vonë janë njoftuar për këtë incident.