Një anketë e re tregon se shumica e afganëve, perspektivën ekonomike të tyre e shohin të zymtë dhe duke u përkeqësuar.
Një sondazh i publikuar sot nga Gallup, tregon se 67 për qind e afganëve, besojnë se ekonomia është përkeqësuar, ndërsa vetëm 6 për qind thonë se ekonomia është duke u përmirësuar.
Sondazhi vjen në kohën kur Afganistani në vitin 2014 e ka regjistruar rritjen më të ultë ekonomike që nga viti 2002.
Anketa është realizuar gjatë gushtit dhe shtatorit të vitit të kaluar ndërsa janë anketuar 1 mijë afganë.
Afganët më optimistë jetojnë në krahinat jugore, ku 31 për qind e tyre, thonë se kjo është një "kohë e mirë" për të gjetur punë.
Vetëm 13 për qind e të anketuarve në krahinat lindore dhe qëndrore, thanë se është “kohë e mirë” për të gjetur punë.