Televizioni shtetëror i Arabisë Saudite ka njoftuar se Mbreti Abdullah ka vdekur pas dhjetë vjetësh të qëndrimit në pozitën e mbretit.
Mbreti ka vdekur në moshën 90 vjeçare.
Sipas mediave arabe, Abdullah ka vdekur mbrëmë vonë por nuk janë dhënë detaje.
Ai kishte qëndruar në spital disa javë si rezultat i një infeksioni në mushkri.
Pasardhës i tij do të jetë gjysëm-vëllai i tij, Princi Selman, 79 vjeçar, i cili i ka marrë përgjegjësitë në punë që nga shtrirja në spital e Mbretit Abdullah.
Abdullah, një aleat i fortë i Shteteve të Bashkuara, ka punuar për reforma në vendij e tij duke përfshirë edhe disa mundësi më shumë për gratë.
“Si udhëheqës, ai ishte gjithmonë i sinqertë dhe kishte kurajo për bindjet e tij”, ka thënë presidenti amerikan Barak Obama, duke e vlerësuar lartë angazhimin e mbretit të ndjerë.
